جاكيت بالكروشيه للبيبي

بسـ  الله الرحمن الرحيم  ـم

فستان جميل جميل بالكروشيه للبيبيهات والأطفال

كان عاجبني من زمان وبالصدفة وجدت مشروحاً ونقلته للإستفادة

الغرز المستخدمة هى السلسلة والعمود بلفة (البريد)
والحشو والابرة المستخدمة 4,مم اوحسب سمك الخيط

طريقة الشغل

1 - بالخيط الاصفرنعمل 43 غرزة سلسلة (وهم ا اساس الشغل)
ثم نقوم بعمل 3غرز سلسلة لارتفاع العمود وندخل بعمود فى اول سلسلة من الـ 43
ونشتغل السطر كله عمود بلفة وحيبقى فى النهاية عندنا 43 غرزة عمود بلفة 
2 -  نشتغل على كل غرزة عمود غرزة حشو حتى نهاية السطر
3 -  نربط الخيط الابيض ونطلع بـ 3 غرزة سلسلة وهم  طول العمود
ثم نشتغل فى اول غرزة حشو من السطر السابق غرزة عمود بلفة
ثم غرزتين فى غرزة ثم غرزة واحدة فى غرزة (1-2-1)وهكذا حتى نهاية السطر
 ثم نقوم بشغل سطر بغرزة الحشو حتى نهاية السطر

4 - نربط الخيط الفوشيا ونطلع بـ 3 غرز سلسلة ونعمل غرزة 2عمود بلفة ثم غرزتين فى غرزة ثم غرزتين ثم غرزتين فى غرزة وهكذا حتى نهاية السطر
(2 -2فى1 -2- 2فى 1)
5 - نشتغل سطر بغرزة الحشوحتى نهايته
6 - نربط الخيط الابيض ونطلع ب3 غرز سلسلة ونشتغل 3غرزة عمود ثم غرزتين فى غرزة ثم 3غرزة عمود ثم غرزتين فى غرزة (3-2فى 1 -3 )وهكذا حتى نهاية السطر 
7- نشتغل سطر بغرزة الحشو حتى نهايتة

8 - نربط الخيط اللبنى ونطلع بـ 3 غرز سلسلة ثم 3غرزةعمود بلفة ثم غرزتين فى غرزة ثم 4غرز ثم غرزتين فى غرزة (4- 2فى 1 -4)وهكذا حتى نهاية السطر

9 - نشتغل سطر بغرزة الحشو حتى نهايتهط الخيط 
وبكدة نكون عملنا السفرة

بعد ما نخلص السفرة حيكون عندنا السطر الاخير فيه 128 غرزة حشو

10 - نربط الخيط الابيض ونطلع ب3غرز سلسلة زى ما اتعودناوبعدين نعمل 4 غرز عمود بلفة فى اول غرزة من السطر السابق ثم نفوت 4غرز وندخل فى الغرزة الخامسة ونعمل 4 غرز عمود بلفة ثم غرزة واحدة سلسلة ثم 4غرز عمود بلفة وندخل فى نفس الغرزة وبكدة تتكون عندنا اول موتيفة كاملة فى السطر
نكمل السطر على كدة (نفوت 4 غرز وندخل فى الغرزة الخامسة ونعمل الموتيفة المكونة من 4غرز عمود بلفة ثم غرزة سلسلة ثم 4 غرز عمود بلفة )

11 - نطلع بـ 3 غرز سلسلة ثم 4 عمود بلفة فى اول غرزة من اول موتيفة (1\2 موتيفة)
فى السطر السابق ثم ندخل فى منتصف الموتيفة ونعمل 4غرز عمود بلفة
 ثم غرزة سلسلة ثم 4 غرز عمود بلفة
لتتكون اول موتيفة كاملة مثلما فعلنا فى السطر السابق (4-1-4)
ونكرر ذلك فى الموتيفات 1,2,3 ونفوت الموتيفات رقم 4,5,6,7,8,9
وندخل فى الموتيفة رقم 10 ونشتغل حتى الموتيفة الـ 16
ونفوت رقم 17,18,19,20,21,22 وندخل فى رقم 23 ,24,25  
ونهاية السطربيكون فيه 1\2 موتيفة زى ما اتفقنا 
وبكده نكون حددنا كم الجاكيت وعرفنا الامام والخلف

12 - السطر اللى بعده نطلع بـ 3 غرز سلسلة ونشتغل 1\2 موتيفة
ثم نكمل السطر فى منتصف كل موتيفة نعمل موتيفة
 (مننساش انها مكونة من 4 عمود بلفة ثم 1 سلسلة ثم 4 عمود بلفة)
حتى نهاية السطر اللى اتفقنا انه بينتهى ب 1\2 موتيفة
نكرر نفس الشغل بدون اى زيادة حتى السطرالسابع من بعد السفرة 
او حتى الطول الذى ترغبيه للجاكيت ونتوقف

13-نربط الخيط الفوشيا فى حرف الجاكيت من تحت كما فى الشكل السابق
ونشتغل بغرزة الحشوفوق كل غرزة عمود بلفة غرزة حشو
وندخل فى منتصف الموتيفة نعمل غرزتين حشو وهكذا 
حتى يتم عمل برواز او تسنين لكل الجاكيت من الذيل والمردات والرقبة

14 - نربط الخيط الابيض فى تانى سطر من الموتيفات من خلف الجاكيت
ونشتغل 3 غرز سلسلة ثم 6 موتيفات للكم ثم 3 غرز سلسلة ونشبكهم من الناحية الثانيه
مع اول موتيفة من السطر الثانى لصدر الجاكيت بغرزة منزلقة

15 - نطلع بـ 3 غرز سلسلة ونشتغل 6 موتيفات اخرى للكم
ولكن بدون تشبيك مع الخلف اوالصدر
ونشبك اول واحدة من السطر مع اخر واحدة بغرزة منزلقة
وبكده يصبح الكم دائرة كاملة ونكون اشتغلنا فى الكم 3 اسطر

16- نكمل شغل الكم بنفس الطريقة حتى يصبح 7 اسطر ثم نشتغل الكم الثانى بنفس الطريقة

17 - نربط الخيط الفوشيا فى حافة الكم ونشتغل سطر بغرزة الحشو
كما فعلنا فى تحديد الجاكيت وبكده نكون خلصنا الجاكيت وفاضل نعمل عراوى للزراير

18- لعمل العراوى نربط الخيط الفوشيا فى اسفل السفرة عند حافة اللون اللبنى
ونطلع بـ 5 غرز سلسلة وندخل عند نهاية اللون اللبنى
 ونشتغل بغرزة الحشو حتى بداية اللون الفوشيا ونشتغل 5 غرز سلسلة
 وندخل عند نهاية اللون الفوشيا ونشتغل بغرزة الحشوحتى بداية اللون الاصفر
 ونشتغل 5 غرز سلسلة وندخل عند نهاية اللون الاصفر
ونقفل العروة مع حافة الرقبة بغرزة منزلقة
ونربط الخيط ثم نقص حافته وبكده يكون فاضل تركيب الزراير 
على الجهة المقابلة ونكون اتمينا عمل الجاكيت 

الشرح  من هنــا

والصور من هنــا