Ad

الاثنين، 7 مايو، 2012

بونشو سهل جداً لطفلة

بسـ الله الرحمن الرحيم ـم








1-اشتغلى سلسلة على مقاس فتحة الرقبة

بحيث يكون عدد يقبل القسمة على 2 ويكون النصف يقبل القسمة على 2 أيضاً

يعنى النصف الاول يبقى ربعين
ـــــــــــــــــــــــــــــــــــــــــــــــــــــــــــــــــــ
2-السطر الاول اشتغلى غرزة حشو
ـــــــــــــــــــــــــــــــــــــــــــــــــــــــــــــــــــ

3-السطر الثانى اشتغلى اعمدة فى كل غرزة حشو بدون ترك سلسلة بين كل عمود والاخر
ـــــــــــــــــــــــــــــــــــــــــــــــــــــــــــــــــــ

4-السطر الثالث اشتغلى اعمدة أيضا ولكن اشتغلى فوق عامود واتركى التالى

واعملى سلسلة بين كل واحد والتانى يعنى هاتعملى

عامود سلسلة اتركى العامود التالى واشتغلى فى اللى بعده
ـــــــــــــــــــــــــــــــــــــــــــــــــــــــــــــــــــ

5-عدى عددالفتحات المتكونة فى السطر السابق واقسمى على 2 ثم اقسمى ا لنصف الاول

على ربعين وشوفى عدد فتحات الربع الاول كام
ـــــــــــــــــــــــــــــــــــــــــــــــــــــــــــــــــــ

6- السطر ده هاتشتغلى فى فتحة وتتركى التالية وهكذا يعنى هاتدخلى فى اول فتحة وتشتغلى 3اعمدة وسلسلة وتتركى الفتحة التالية وتشتغلى فى اللى بعدها لحد ما توصلى لنهاية الربع الاول او نصف النصف الاول من عددالفتحات هاتشتغلى فى الفتحةالمتممة للربع الاول دى 6 اعمدة ,3 اعمدة وسلسلتين و3اعمدة ثم تكملى الشغل فى الفتحات التالية 3 اعمدة وسلسلة فقط واوعى تنسى تشتغلى في فتحة وتتركى فتحة ولكن المرة دى هاتشتغلى النصف التانى كلة بدون تنصيص لحد ما توصلىلنهاية عدد فتحات النصف التانى هاتكررى العملية وتشتغلى فى الفتحة المتممة لنهايةالنصف التانى من عدد فتحات الشال 6 اعمدة برده بنفس الطريقة 3اعمدة وسلسلتين و3اعمدة فى نفس الفتحة وتكملى الشغل فى باقى الفتحات التالية اللى هى الربع التانى منالنصف الاول 3اعمدة وسلسلة حتى نهاية السطريعنى لوكان مثلا عدد الفتحات 100هاتشتغلى 25 ثم6 اعمدة ثم 50 ثم 6 اعمدة ثم 25 يعنى بالرسم التقريبى كدة هاتشتغلى -- 6اعمدة ---- 6اعمدة –
ـــــــــــــــــــــــــــــــــــــــــــــــــــــــــــــــــــ

7- السطر الرابع هاتشتغلى فى الفتحات كلها بدون ترك واحدة يعنى هاتشتغلى 3اعمدة بين كل 3 اعمدة واللى بعدها بنفس الطريقةهاتشتغلى 3اعمدة سلسلة 3 اعمدة فى الفتحة التالية لحد ما توصلى للست اعمدة هاتشتغلي بينهم 6 اعمدة اخرى بسلسلتين فى النصف لحد ما تكملى حوالى 5 اسطر بنفس الطريقة
ـــــــــــــــــــــــــــــــــــــــــــــــــــــــــــــــــــ

8- قيسي وسع الاكتاف وابداى بعمل التوسعة فى جانبين الشال اللى هم على الذراعين هاتدخلى فى اول فتحة فى السطر وتشتغلى 4 اعمدة وسلسلتين وتكملى الشغل عادى 3 اعمدة وسلسلة فى الفتحات التالية وهكذا لحد ما توصلى للجنب التانى من الشال اللى ناحية الذراع الايسر واعملى فى الفتحة 4 اعمدة وسلسلتين أيضاً وتكملى الشغل عادى فى باقى الفتحات 3 اعمدة وسلسلة
ـــــــــــــــــــــــــــــــــــــــــــــــــــــــــــــــــــ

ملحوظة: علشان يطلع الوسع متساوى من الناحيتين هاتقسمى عدد الفتحات المرة دى على 2 وهاتخلى التوسعة (ال4 اعمدةوسلسلتين) فى بداية السطر الجديد وتشوفى المقابل ليها من الجانب التانى وتعملى نفس الحكاية وده علشان يبقى التوسعة فى جانبين الشال وتبقى مش باينة لانها هاتبقى على الذراعين من الجنب مش من الامام وتبقى باينة وده المغزى من اننا نقسم عدد الفتحات فى البداية لربع ونصف وربع
ـــــــــــــــــــــــــــــــــــــــــــــــــــــــــــــــــــ

9- استمرى على هذا المنوال لحد ما توصلى للوسع المناسب والطول المناسب
اخر سطر اشتغلى حشو فوق كل الاعمدة والسلاسل اللى بينهم علشان يدى متانة للغرز ويبقى شكلها حلو
ـــــــــــــــــــــــــــــــــــــــــــــــــــــــــــــــــــ
10-اعملى شراشيب فى فتحة واتركى فتحتين او 3 على حسب ما انتى عايزة
ـــــــــــــــــــــــــــــــــــــــــــــــــــــــــــــــــــ

11- هاتى لون افتح واطلعى للشال فى اول سطر من فوق اللى كان حشو واوصلى الخيط واشتغلى حشو باللون الجديد فوق اول سطر حشو فى بدايةالشال علشان يدى حز حلو اوكنار زى ما بتقولوا ويبقى الشغل شكله نظيف ومرتب

اعملي سلسلة لعمل رباط الشال ودخليها فى فتحات الشال

من فوق واعملى بونبون للاطراف

اوممكن وردات وتخيطيها فى طرفين السلسلة
ـــــــــــــــــــــــــــــــــــــــــــــــــــــــــــــــــــ

وإن شاء الله تكون وصلت الطريقة

مع دعواتكن لصاحبة الموضوع الأصلي

0 التعليقات:

إرسال تعليق