اسكارف تريكو شبه بيضاوي

بسـ  الله الرحمن الرحيم  ـم

إنتهيت من شغل هذا الإسكارف الجميل

وهو مشغول على مرحلتين

الجزء الأجور والذي على هيئة الزيجزاج مشغول بالعرض

بعدها نلقط عدد من الغرز ونشتغل بطريقة الأسطر القصيرة

ونبدأ العمل

المواد المستخدمة

_ 300 جرام من الصوف

_ إبر مدببة مقاس 4.5 مللى

_ 2 علامات الغرز

شرح الخطوات

هنبدأ بعمل الحافة كالتالى

*هنبدأ بعمل 31 غرزة بإستخدام طريقة البداية المحترفة

*هنشتغل سطر عدل

*هنشتغل 20 سطر من الباترون المترجم

*هنكررالـ 20 سطر 19 مرة (بمعنى أخر هنشتغل الباترون 20 مرة)

وهنا صورة لشرح الغرزة بالرموز

وهنا الترجمة 

_هنضع 31 غرزة على ماسك الغرز

جسم الإسكارف

_بدون أن نقطع الخيط هنلقط 202 غرزة على طول جانب الحافة (مع ملاحظة ان يكون امام العمل مواجه لك)

_هنبدأ نشتغل كالتالى:

السطر الأول= 96م,هنضع علامة,10م,هنضع علامة,(هنسلت غرزة على الإبرة اليمين مع وجود خيط الشغل خلف العمل ثم نرجع الغرزة المسلوتة الى الابرة الشمال مع وجود خيط الشغل امام العمل ثم هنلف الشغل ونضع علامة على الابرة اليمين)

السطر الثانى= هنشتغل عدل حتى اول علامة,نشيل العلامة,3ع,(هنسلت غرزة على الإبرة اليمين مع وجود خيط الشغل أمام العمل ثم نرجع الغرزة المسلوتة الى الابرة الشمال مع وجود خيط الشغل خلف العمل ثم هنلف الشغل ونضع علامة على الابرة اليمين)

السطر الثالث= هنشتغل مقلوب حتى العلامة,نشيل العلامة,3م,(هنسلت غرزة على الإبرة اليمين مع وجود خيط الشغل خلف العمل ثم نرجع الغرزة المسلوتة الى الابرة الشمال مع وجود خيط الشغل امام العمل ثم هنلف الشغل ونضع علامة على الابرة اليمين)

هنكرر السطور 2 و 3 حتى السطر 63

السطر64= هنشتغل عدل حتى اول علامة,نشيل العلامة,3ع,هنلقط 31 غرزة على الجانب الشمال للحافة

السطر65= هنشتغل مقلوب حتى اول علامة,نشيل العلامة,3م,هنشتغل 31 غرزة الموجودين على ماسك الغرز على الجانب اليمين للحافة

السطر66= هنقفل 264 غرزة ونأخد بالنا مانشدش الخيط وإحنا بنقفل

بعد ماخلصنا الإسكارف هننقعه فى ماء واى مسحوق غسيل عندك ثم نقوم بشطفه وبعد ذلك هنضعه على سطح افقى ونفرده كويس ونظبطه بالدبابيس ونتركه فى هذا الوضع حتى يجف تماما

وأنا زودت على الإسكارف هذه الحافة لتقويتها

البداية الإحترافية في التريكو

وتستخدم لتكون الحافة على شكل حلقات بعد شد الخيط السطر الوهمي

وهنا بالنسبة للإسكارف بدل ما نلتقط غرز للحافة 

هتكون عندنا الغرز جاهرة لتكملة الإسكارف

وهنستخدم فيها إبرة كروشيه وخيط بلون مختلف

عن لون الصوف المستخدم في الشغل الأصلي

هنبدأ بعمل غرزة البداية عادى ولكن هنحطها على إبرة الكروشيه

هنشتغل غرزة السلسة بالكروشيه

و بيسمى السطر الوهمى أو البداية الوهمية اللى هنفكها بعد كده

هنحط إبرة التريكو فى أول غرزة سلسلة

هنلف الخيط اللى هنستخدمه فى العمل حول إبرة التريكو ونسحبه من خلال غرزة السلسلة هتتكون عندنا غرزة عدلة

هنفضل نحط إبرة التريكو فى كل غرزة سلسلة وننشأ منها غرز عدله كما سبق لحد ما نوصل لعدد الغرز اللى هنبدأ به

( وهي تشبه لقط الرقبة في التريكو)

لما نحتاج إننا نشتغل من تحت هنشيل السطر الوهمى ده بفك العقدة اللى عملنها فى أخر غرزة سلسلة ونكرّها

ودي اللي هنلقط منها الحافة للإسكارف

الشرح منقول من لهلوبة

 والإسكارف شغلي وتطبيقي